ഗോവര്‍ദ്ധനം
മുളംകാടുകള്‍ പാടുമ്പോള്‍
ഓടക്കുഴല്‍ നാദമുയരും
അതൊരു ഗോപാലകന്റെ
ഗാനമാണ്
ആ നാദധ്വനിയില്‍
പ്രപഞ്ചം ഉണരും
സുയോധനന്‍ കടമായെടുത്ത
അക്ഷൗഹണികള്‍....
നിനക്കറിയുമോ?
കുരുക്ഷേത്രത്തില്‍
അര്‍ജുനന്‍ മനസ്സിലേറ്റിയത്
പാഞ്ചജന്യം
ഒരു തുളസ്സിക്കതിരിലാണു
സത്യഭാമ പ്രപഞ്ചധാരിയെ
തുലാസ്സിലേറ്റിയത്
അക്ഷൗഹണികളും
ധന ധാന്യങ്ങളും
ഒരു ഗോപാലകന്റെ തുലാസ്സില്‍
ചലനമില്ലാതെ വീണപ്പോള്‍
ഒരു തുളസ്സി കതിരില്‍ അതുയര്‍ന്നു
ഭാരതത്തിലെ അക്ഷൗഹണികള്‍
ഒരു തുലാസ്സലിട്ട്
ഗോവര്‍ദ്ധനധാരിയെ അളന്നു തീര്‍ക്കാന്‍
ആരാണു നിന്നോട് കല്പിച്ചത്
ആ ത്രാസ്സില്‍ ഗോവര്‍ദ്ധനം
ഒരു പര്‍വതമായ് ഒരു
ഗോപാലകന്റെ
കൈവിരല്‍ത്തുമ്പിലാടുന്നു
അതിന്റെ ഭാരം നിനക്ക്
താങ്ങാനാവുമോ?
No comments:
Post a Comment