മൊഴി
എവിടെയോ നിന്നാദ്യസങ്കല്പമാരുഢ
ശിലകളെയെല്ലാം തടുത്താദിദൈന്യത്തിനിരുളിൽ
പൊതിഞ്ഞു മറയ്ക്കുന്ന സർഗത്തിലമൃതിറ്റുവീഴും
പ്രഭാതങ്ങളിൽ സ്വരമെഴുതുന്നൊരാകാശ
വാതിലിന്നരികിലായ്
ഋണദശാസന്ധികൾ ഗ്രഹമിഴിക്കുള്ളിലായെഴുതി
പകുത്തുതിരിക്കുന്നൊരീ പകലെരിയുന്നുവോ
കനൽമിഴിയിലെയഗ്നിയിൽ...
ഋതുവെത്ര മാറി, മരച്ചില്ലകൾക്കുള്ളിലുലയുന്നുവോ
നിറം മങ്ങിയോരോർമ്മകൾ...
ഒളിപാർത്തുനിൽക്കുന്നോരായിരം ദുസ്വപ്ന
മിഴികളിൽ കണ്ടതഥർവം
മഹാഹോമവഴിയിലോ തെയ്യങ്ങളാകെ
ഭയാനകമവിടെ വാദ്യങ്ങൾ,
ലയം തെറ്റിയീക്കടൽമൊഴിയിലും
മങ്ങുന്നു ശൈത്യം, നെരിപ്പോടിലെരിയും
മരച്ചില്ലകൾക്കില്ല സങ്കടം..
പുകയൊതുങ്ങി പഴേ കോട്ടകൾക്കുള്ളിലെ
ലിപികളിൽ പൗരസ്ത്യദേശമാഹാത്മവും,
കവികളും തീർക്കുന്ന കൗതുകം
പിന്നെയാ വഴികളെല്ലാം തടഞ്ഞാരോ
പണിഞ്ഞൊരാ മതിലും തകർന്നു
മഹായാഗവേദിയിൽ
മൊഴി തേടി ഭൂമി തപസ്സിലും
ജപമാലയതുമിന്നു തകരുന്നു
ചില്ലുകൂട്ടിൽ..
No comments:
Post a Comment