മൗനം നിശ്ബദതയുടെ
ചിറകിലൊളിയ്ക്കുമ്പോൾ
അലയിടുന്ന സമുദ്രമേ
നിനക്കായി ഞാൻ
ഒരു ആശ്വാസവചനം
തേടിയലയുന്നു...
എന്റെയുള്ളിലെ വാക്കുകൾ
തീയിലെരിഞ്ഞ്
തൂവൽകരിഞ്ഞവർ
അതിലുണരുന്ന ഭാഷ
എനിയ്ക്ക് തന്നെ ഇന്നന്യം
അവയുടെ അർഥങ്ങൾ
പിനാകാഗ്രതലങ്ങളിൽ
വീണു മുറിവേൽക്കുമ്പോൾ
വിരൽതുമ്പിൽ രക്തം കിനിയുന്നു.
വാക്കുകളിൽ സൗമ്യത തേടുന്ന
അലയിടുന്ന സമുദ്രമാണു മുന്നിൽ.....
No comments:
Post a Comment