Thursday, May 13, 2010

ഗുഹാമുഖങ്ങളിൽ വിളക്ക് വയ്ക്കാൻ
സന്ധ്യവന്നപ്പോൾ കാലഹരണപ്പെട്ട
കുറെ സത്യവചനങ്ങൾ
വേനൽചൂടേറ്റ് തളർന്നു മയങ്ങിയിരുന്നു.
ഇരുണ്ടു തുടങ്ങിയ രാത്രി
അമാവാസിയിൽ വളരുമ്പോൾ
അകലെ നിന്നും ആലിലകളിലുരുമ്മി
ചന്ദനസുഗന്ധവുമായ് തെക്കൻ കുളിർകാറ്റ്
ശ്രീകോവിലിലെ സഹസ്രനാമമന്ത്രം
ചിറകിലേറ്റി ഗുഹാമുഖങ്ങളിൽ മയങ്ങിയ
സത്യവചനങ്ങളെ ഉണർത്തി
കടൽത്തീരത്തേയ്ക്ക്
യാത്രയായി...

No comments:

Post a Comment