Saturday, May 15, 2010

ഇന്നല്ലെങ്കിൽ നാളെ
ഓരോ വഴിയിലും, ഓരോ രാജ്യത്തിലും
പുതിയ മതിലുകളും വാതിലുകളും വരും
കാരിരുമ്പിലുരുക്കിയ അവയുടെ
മുന്നിൽ അതിർഭടന്മാർ നിൽക്കും
എല്ലാ വാതിലുകളിലും അനിയന്തിതമായ
ആത്മസംഘർഷങ്ങൾ
അവയുടെ പിന്നാലെ 
ഓടുന്നു എഴുത്തുകാർ
നിറയ്ക്ക്ക്കേണ്ട പേജുകളുടെ
അലങ്കാരിക ഭാഷ തേടി
രാത്രിയിലും ഉറക്കം നഷ്ടപ്പെട്ടവർ
അതിനിടയിൽ ഉപദേശപർവങ്ങളുടെ
ഉപഹാരങ്ങൾ
എല്ലാം ഒരു ശിലയിലാക്കി
കടലിലേയ്ക്കൊഴുക്കുമ്പോൾ
കടൽ ശാന്തമായിരുന്നു

No comments:

Post a Comment