ഹൃദ്സ്പന്ദനങ്ങൾ
കടലിനെയൊരു
ശംഖിലൊതുക്കിനടക്കാമിനി
കാണണമെന്നു തോന്നുമ്പോൾ
കൈയിലേക്കിറ്റിച്ചുകാണാം
ചക്രവാളത്തോളമുയരാനൊരുങ്ങുമ്പോൾ
ഒരു കൽപ്പെട്ടിയിൽ താഴിട്ടു പൂട്ടിയിടാം
പിന്നെയാർക്കുമൊരു
പരാതിയുമുണ്ടാവില്ല
അതിനിടയിലൊരുവരിക്കവിത
വിരലിൽ വന്നിരുന്നാൽ
അതിനെയൊരോലതുമ്പിലെഴുതി
ഹൃദയത്തിലേയ്ക്കിടാം
പിന്നെപുഴയ്ക്കങ്ങനെയൊഴുകാം
അതിനുവേണ്ടിയായിരുന്നുവല്ലോ
ഇക്കണ്ട കടലാസുതുണ്ടുകളെല്ലാം
മഷിയൊഴുക്കികടന്നുപോയത്
ലോകത്തെയുമൊരു വട്ടപ്പൂജ്യത്തിലൊതുക്കി
പട്ടിൽപൊതിഞ്ഞ് നിങ്ങൾ സൂക്ഷിച്ചോളുക
കടലിന്റെ ഹൃദ്സ്പന്ദനങ്ങൾ
വിരൽതുമ്പിലേയ്ക്കൊരു
കവിതയായൊഴുകട്ടെ....
കടലിനെയൊരു
ശംഖിലൊതുക്കിനടക്കാമിനി
കാണണമെന്നു തോന്നുമ്പോൾ
കൈയിലേക്കിറ്റിച്ചുകാണാം
ചക്രവാളത്തോളമുയരാനൊരുങ്ങുമ്പോൾ
ഒരു കൽപ്പെട്ടിയിൽ താഴിട്ടു പൂട്ടിയിടാം
പിന്നെയാർക്കുമൊരു
പരാതിയുമുണ്ടാവില്ല
അതിനിടയിലൊരുവരിക്കവിത
വിരലിൽ വന്നിരുന്നാൽ
അതിനെയൊരോലതുമ്പിലെഴുതി
ഹൃദയത്തിലേയ്ക്കിടാം
പിന്നെപുഴയ്ക്കങ്ങനെയൊഴുകാം
അതിനുവേണ്ടിയായിരുന്നുവല്ലോ
ഇക്കണ്ട കടലാസുതുണ്ടുകളെല്ലാം
മഷിയൊഴുക്കികടന്നുപോയത്
ലോകത്തെയുമൊരു വട്ടപ്പൂജ്യത്തിലൊതുക്കി
പട്ടിൽപൊതിഞ്ഞ് നിങ്ങൾ സൂക്ഷിച്ചോളുക
കടലിന്റെ ഹൃദ്സ്പന്ദനങ്ങൾ
വിരൽതുമ്പിലേയ്ക്കൊരു
കവിതയായൊഴുകട്ടെ....
