ആകാശത്തിന്റെയതിരുകളിലൂടെ

മഞ്ഞുപാളികളിലും,
മഞ്ഞുതുള്ളികളിലും
ഒന്നും സൂക്ഷിച്ചുവയ്ക്കാനാവില്ല...
ഓർമ്മകളെയതിലൊളിപ്പിച്ചാൽ
ശിശിരത്തിലതുറയും,
വേനൽക്കാലമതിനെയുലയിട്ടുരുക്കിമായ്ക്കും
വസന്തവും, മഴക്കാലവുമിലപൊഴിയുംകാലവും
അതേ പോലെ തന്നെ
നിത്യനിദ്രയുടെയവശിഷ്ടങ്ങൾ തേടിയൊരു
യുദ്ധഭൂമിയിലേയ്ക്കെന്തിനിനൊരുയാത്ര
പാതിതകരുന്നതിനെയൊക്ക
സൂക്ഷിക്കുവാനെത്രയോ
സ്മാരകമന്ദിരങ്ങൾ...
പണിതീരാത്ത പടിപ്പുരകളിലും
പാതിയെഴുതിയ കഥയിലും
മഷിതൂവി കാലമങ്ങനെയൊഴുകിനീങ്ങട്ടെ
എഴുതിതീർക്കാനിനിയുമെന്തങ്കിലുമുണ്ടെങ്കിൽ
അതും കൂടിയെഴുതിയൊരിടുങ്ങിയ
ലോകത്തിന്റെ ചുമരിൽ തൂക്കിയിട്ടാലും
ആകാശത്തിന്റെയതിരുകളിലൂടെ
ചക്രവാളത്തെ തൊട്ടുതൊട്ടു
കടലുമൊഴുകട്ടെ.....