മിന്നും നക്ഷത്രങ്ങൾക്കിടയിലൂടെ
മഞ്ഞുകാലത്തിലെ നനുത്ത
മഞ്ഞുതുള്ളികൾക്കിടയിൽ
അളവുതൂക്കം തെറ്റിവീണ തുലാസുകൾ,
മേഘങ്ങളിൽ പാറി നടന്ന
കടലാസുതുണ്ടുകൾ,
ചരിത്രമെഴുതിമഷിയുണങ്ങിയ
തൂലികകൾ
ഇവയെല്ലെമിനിയൊരു
സ്മാരകമന്ദിരത്തിലെ
തണുപ്പിലുറക്കാം
വേനൽത്തീയേറി കരിഞ്ഞ
കരിയിലകൾ പാറും
പാതയോരങ്ങളിൽ
പതാകയേന്തിയിന്നും
നടന്നു നീങ്ങുന്നുവല്ലോ
ആത്മരോഷത്തിന്റെയണയാത്ത
അഗ്നിചിന്തുകൾ..
ശിലാഫലകങ്ങളിലെഴുതിയിടാൻ
ഇനിയുമുണ്ടാകും
പുനരുദ്ധാരണമന്ത്രങ്ങൾ,
രുദ്രാക്ഷമൊഴുക്കും കണ്ണീർതുള്ളികൾ..
ഒരുമണൽതരിയിലെഴുതിയൊരു
ചിപ്പിക്കുള്ളിലാക്കി
കടലിലൊതുക്കാമൂഷരക്കെടുതിയെ
തണത്ത കാറ്റുവീശും സായന്തനത്തിനെ
സമുദ്രതീരത്തിരുന്നു കാണാമിനി
മിന്നും നക്ഷത്രങ്ങൾക്കിടയിലൂടെ....