Friday, August 17, 2012

 ആകാശവാതിലിലെ ദൈവത്തിനൊരു കത്ത്










 

ആകാശവാതിലിലെ ദൈവമേ
കേട്ടാലും
കുറെ നാളെങ്കിലും
അയാളെഴുതിയ സ്നേഹക്കുരുക്കുകൾ
ശരിയെന്നു വിശ്വസിച്ചതിനും,
ചുമരുകളിൽ അയാളെഴുതിതൂക്കിയ
മനോഹരമാം ചിത്രങ്ങൾ
കുരുക്കാനുള്ള കൗശലമെന്നറിയാതിരുന്നതിനും
അയാളൊരുക്കിയ നിഴൽപ്പാടിനുള്ളിൽ
കുറെനാൾ അറിയാതെ വീണുപോയതിനും
അയാളുടെ അഭിനയം യാഥാർഥ്യമെന്ന്
കുറേദിനങ്ങളിൽ വിശ്വസിച്ചുപോയതിനും
ആകാശവാതിലിലെ ദൈവമേ
മാപ്പേകുക..
അഭിനയിച്ചുനീങ്ങിയ ശിരോപടങ്ങളോടുള്ള
രോഷമൊഴുകും കടലുയരുമ്പോഴും
നിഴലെയ്യുമെഴുത്തുമഷിയിൽ
ഹൃദ്സ്പന്ദനങ്ങളുലയുമ്പോഴും
പിടിച്ചുനിൽക്കാൻ കരുത്തേകിയതിനും
മുനമ്പിലെ സന്ധ്യയിൽ
നക്ഷത്രകാവ്യദീപങ്ങൾ
തെളിയിയിച്ചിതിനും ആകാശവാതിലിലെ
എല്ലാമറിയും ദൈവമേ നന്ദി..
...


No comments:

Post a Comment