Saturday, September 3, 2011

ഭൂമിയിൽ നിന്നാകാശത്തേയ്ക്കുള്ള ദൂരം
ഭൂമിയിൽ നിന്നാകാശത്തേയ്ക്കുള്ള
ദൂരമറിയാനെത്ര കടും കെട്ടുകൾ,
എത്രയെത്ര ഗ്രഹവലയങ്ങൾ,
എത്ര വർണ്ണചാർത്തുകൾ..
അളന്നളന്നളവുകോലൊരു
ഭാരമായ്തീർന്നിട്ടും
മതിവരാത്തൊരതിശയകുലമരികിൽ..
ഋതുക്കളുടെയുലഞ്ഞ ചില്ലയിൽ
അക്ഷരകാലം മറന്ന ഒരു പദം..
അസ്വസ്ഥമാം സ്വസ്ഥതയിൽ 
മുങ്ങിയുണരുമ്പോൾ
അലങ്കോലമാം സഭാങ്കണം
അതിലെരിയുമടുപ്പുകല്ലുകൾ..
പുകയുന്നതാരൂഢശിലയോ,
ആകാശമോ,
അരുളപ്പാടുകളോ??
എഴുതും വിരൽതട്ടിമുറിയും
വാക്കുകൾ...
മുറിഞ്ഞയോരോയക്ഷരത്തിനുമിടയിൽ
ഒരു ദീർഘം..
ഒരു ചതുരക്കളം
ഒരോവശവുമൊരു ദിശതേടിയൊടുവിൽ
മായുമ്പോൾ
മഴ തോരാത്ത വിൺചെപ്പിൽ
എഴുതിമുഴുമിപ്പിക്കാനാവാഞ്ഞ
കൃതിയ്ക്കൊരു 
സ്വരവുമായെത്തുന്നുവോ
മഴതുള്ളികൾ...





2 comments:

  1. Kavitha nannayittundu.Rasamulla vishayangalil kavitha ezhuthan sramikane...an sramikane...

    ReplyDelete