Thursday, September 22, 2011


അദൃശ്യമുദ്രകൾ
ചക്രവാളം നക്ഷത്രങ്ങളാൽ
ചുറ്റുവിളക്കണിയിക്കും
കടലിനരികിലെ
പ്രദീപ്തമാം സന്ധ്യയ്ക്കന്തിനൊരു
മന്ദഹസിക്കും മുഖാവരണം....
ഹൃദയം സൂക്ഷിക്കും
ശുദ്ധമാം കാവ്യഭാവത്തിനാവശ്യമോ
ആഭരണങ്ങളുടെ തിളങ്ങും ചെപ്പുകൾ?
സുവ്യക്തമാം ദുർഗ്രാഹ്യതയുടെ
ദർപ്പണങ്ങളിലൊളിപാർത്തിരുന്ന
ഒരു മുഖപടം പടിയിറങ്ങിയപ്പോൾ
പടിവാതിലിൽ കാണാനായി
കൃഷ്ണപക്ഷപൂവിതളുകൾ.....
പ്രദോക്ഷങ്ങളാരതിയുഴിയുമ്പോൾ
വിഷാദമുറഞ്ഞ വില്വപത്രങ്ങൾ
സന്ധ്യയിൽ
ശിവരുദ്രാക്ഷങ്ങളിലെഴുതി
ആദിമൂലത്തിനദൃശ്യമുദ്രകൾ....

No comments:

Post a Comment