Tuesday, March 1, 2011

കടലോരോതുള്ളിയായിപ്പോൾ ഹൃദയത്തിലേയ്ക്കൊഴുകുന്നു

കടലോരോതുള്ളിയായിയിപ്പോൾ
ഹൃദയത്തിലേയ്ക്കൊഴുകുന്നു
ഒഴുകുന്ന താളലയം
കൈവിരലുൾക്കൊള്ളുന്നു
അനേകജന്മങ്ങളിലൂടെ
ജനിമൃതികൾ തൻ
മഹാവടവൃക്ഷശാഖകളിലൊന്നിൽ
കുരുങ്ങികൊഴിയുമോരിലയിലൊതുങ്ങിയ
ജന്മസങ്കടങ്ങളെ ഹോമിച്ച
ഹോമകുണ്ഡത്തിൽ
നിന്നുയരും തീപ്പുകപോലെ
പിന്നെയേതോ പ്രാചീനതയുടെ
പര്യായം തേടിയ വിശ്വപത്രികളിൽ
നിന്നുണർന്നെഴുനേറ്റരികിലൊഴുകിയതും
ഒരു കടലായിരുന്നു
നിലയില്ലാതെയൊഴുക്കിലൊഴുകിയ
നിരവധി ദിനരാത്രങ്ങളിലെങ്ങോ
വേർപെട്ടുപോയ അശോകപ്പൂവിൻ
നിറമുള്ള സായംസന്ധ്യയെ
മൺചിരാതിലാക്കിയറവാതിലിൽ
വച്ച ഭൂമിയുടെയുള്ളിലുമിപ്പോൾ
നിറയുന്നത് കടലിന്നാരവമോ.....

No comments:

Post a Comment