ഋണങ്ങളും മാഞ്ഞുകൊണ്ടേയിരിക്കും

ആരോ സ്വരുക്കൂട്ടിയ
ഋണബാധ്യതയിലുലഞ്ഞ
ജീവസ്പന്ദനങ്ങളുടെ
കണക്കുപുസ്ത്കത്തിൽ
കൈയിലളന്നെഴുതാൻ
നീക്കിയിരിപ്പില്ലാതെ
ഒരു യുഗം നടന്നുനീങ്ങുന്നരികിൽ
കടംകഥകൾ തേടിയതിനരികിൽ
തുടിയിട്ടെത്തിയ
ദിനങ്ങളെയെല്ലാമൊരു
തുലാഭാരത്രാസിലിളന്നെടുത്ത്
സമമാക്കിയപ്പോൾ
പിന്നീടുവന്ന ഋതുക്കൾ
ഋണക്കടുംകെട്ടുകൾ ലഘൂകരിച്ചു
നിറം ചാലിച്ചെഴുതിയ നെടുമ്പുരയിലെ
തൂണുകളിളകിവീണ പേമാരിയിലൂടെ
നടന്നൊരുശരത്ക്കാലവും
കടന്നെത്തും ശിശിരവും മാഞ്ഞുപോകും...
ആരോ സ്വരുക്കൂട്ടി
കൂടയിൽ നിക്ഷേപിക്കും
ഋണങ്ങളും മാഞ്ഞുകൊണ്ടേയിരിക്കും
ഋതുക്കളെ പോൽ....