മഞ്ഞുതൂവിയൊഴുകുന്ന ഒരു ഋതുവിനരികിൽ


ഘനീഭവിച്ച ശിശിരതണുപ്പിൽ
അയനിക്കിടയിലുയർന്ന
അഗ്നിയിൽ
വിരൽതൊട്ടൊഴുതുന്ന ഭൂമീ
നിന്റെയുള്ളിലെ ശരത്ക്കാലവർണങ്ങളെ
ഗ്രാമഹൃദയസ്വപ്നങ്ങളിൽ ചേർത്തു നെയ്യുക
ഓർമ്മപ്പാടുകളൊഴുകി മാഞ്ഞ
മുത്തുച്ചിപ്പി തേടി
ചക്രവാളത്തിനരികിൽ
ശിശിരകാലമേഘങ്ങളൊഴുകുമ്പോൾ
സ്വർണമുത്തുകൾ പോലെ മിന്നുന്ന
നക്ഷത്രങ്ങൾക്കരികിൽ
മഞ്ഞുതൂവിയൊഴുകുന്ന
ഒരു ഋതുവിനരികിൽ
മൂടൽമഞ്ഞിനരികിൽ
നനുത്ത കുളിരിലുലയുന്ന
സന്ധാവിളക്കിൻ പ്രകാശത്തിൽ
ഹേമന്തമെഴുതി സൂക്ഷിക്കുന്നു
താമരയിലകളിൽ
ഭൂമിയുടെ ചിത്രങ്ങൾ.....