മുദ്ര
ഏകലവ്യന്റെ വിരൽതുമ്പിലെ മുദ്ര
ആചാര്യന്റെയഹം..
എഴുതിതീരാത്തൊരു കാവ്യം
തുലാമഴ..
ശരകൂടം പണിയുന്നു ഖാണ്ഡീവം
യുഗങ്ങളെത്രയാണോർമ്മയിൽ...
മായുമൊരു സന്ധ്യയുടെ
വിൺചെപ്പിൽ
ആർദ്രമാമൊരു നക്ഷത്രവിളക്ക്..
ഇടതിരിഞ്ഞ ഭൂഖണ്ഡങ്ങൾ
കിരീടങ്ങൾ തേടി മലയേറുന്നു..
ഇടയിലുലയും മൺ തരികളിൽ,
തളിർനാമ്പുകളിൽ കവിത..
പിന്നെയോ ചന്ദനസുഗന്ധമാർന്നൊരു
സോപാനത്തിനരികിൽ
ചെണ്ട തിമിർക്കുമ്പോൾ
സഭപിരിഞ്ഞ ചിന്തകൾ
ദിനാന്ത്യനായെഴുതീ
സന്ധ്യയുടെ മുദ്ര..
ഒരടിക്കുറിപ്പ്....
No comments:
Post a Comment