വിശ്വസനീയത നഷ്ടമായ
മുഖക്കുറിപ്പുകളുടെ മഷിപുരണ്ട ലോകം
കൈയിലേന്തി നിൽക്കുന്ന
വർത്തമാനകാലത്തിലൂടെ
മുന്നോട്ട് നീങ്ങുമ്പോൾ
ഭൂമി ശൈത്യത്തിന്റെ കവചവും
മഞ്ഞുരുക്കുന്ന വേനൽകനലും
കുളിരുമായ് വന്ന മഴത്തുള്ളികളും
മഴവീണ മണ്ണിലെ പൂത്തുലയും
പൂക്കുടന്നകളും കാട്ടി പറഞ്ഞു
മുഖപടങ്ങളില്ലാത്ത
മനസാക്ഷി നഷ്ടമാവാത്ത ലോകം....
സമുദ്രതാളമുണരുന്ന
രാപ്പകലുകളിലൂടെ നടന്നു നീങ്ങുന്ന
വിശ്വസനീയ ലോകം