Sunday, June 20, 2010

പാതയോരത്തെ വാകപൂമരങ്ങളിലെ
പൂക്കളിൽ മഴ വീഴുന്നതു കാണാൻ
തുറന്നിട്ട ജാലകത്തിനരികിൽ
വന്നിരുന്ന കുഞ്ഞാറ്റക്കിളികൾ
ഓലഞാലിപ്പക്ഷികൾ കൂടുകൂട്ടിയ
അശോകപൂമരത്തിലേയ്ക്ക്
പറന്നകലുമ്പോൾ
ചെമ്മൺ പാതയ്ക്കപ്പുറം
നടന്നു നീങ്ങിയ സമയം
മഴക്കാലമേഘങ്ങൾക്കിടയിൽ
ഉദിയ്ക്കാൻ മറന്ന സൂര്യന്റെ
അശ്വരഥങ്ങൾക്കരികിൽ കാവൽ നിന്നു
ഒടുവിൽ എവിടെയൊ മറന്ന
നിമിഷങ്ങളുടെ യവനിക നീക്കി
പുറത്തേയ്ക്ക് വന്ന
കാലത്തിന്റെ കൈയിൽ
വിടരാൻ മറന്നകുറെ പൂക്കളുടെ
ആത്മകഥയുണ്ടായിരുന്നു

No comments:

Post a Comment