തുളസിപ്പൂക്കളുടെ സുഗന്ധവുമായ്
നിർമാല്യം തൊഴുതുവന്ന കാറ്റിൽ
സോപാനസംഗീതമൊഴുകുമ്പോൾ
ആൽത്തറയിൽ വന്നിരുന്നു രാമനാമം ജപിച്ച
ശുഭ്രവസ്ത്രധാരിയായ സന്യാസിയുടെ
ശരിയായ രൂപം കാട്ടി നീ നടന്നു പോയപ്പോൾ
ഞാൻ കേട്ടു ഓടക്കുഴലിൽ യദുകുലകാംബോജി
എനിയ്ക്ക് പ്രിയം
അന്നും ഇന്നും നീയുയർത്തിയ
ഗോവർദ്ധനം...
ഇന്ദ്രസഭയിലെ മേഘങ്ങളെ
പെയ്തുപെയ്തൊഴിയുക
No comments:
Post a Comment