കടൽ
ഇലകളോരോന്നായ് പൊഴിയും
ഇലപൊഴിയും കാലത്തിലും
മനസ്സിലൊഴുകീ കടൽ
കടലിനെ കൈയിലേറ്റിയ
ഭൂമിയുടെ ഒരു ചിമിഴിൽ
നിന്നുണർന്നു വന്നു
ആദിസംസ്ക്കാരത്തിന്റെ
നീതിസാരം
രാജഗോപുരങ്ങളിൽ
ചിറകറ്റു വീണു
നീതിസാരത്തിലെ
കുറെയേറെ എഴുത്തോലകൾ
നിന്ദിക്കുന്നവരെയും
പുകഴ്ത്തുന്നവരെയും തേടി
ഭൂമി കടലിൽ തുടിയിടുന്നില്ല
അണിനിരക്കുന്ന ആൾക്കൂട്ടത്തിന്റെ
പ്രീതിയ്ക്കായ് സ്നേഹമൊഴുകുന്ന
വാക്കുകൾ കടലിൽ നിന്നുയരുന്നില്ലല്ലോ
ഇലപൊഴിയും കാലങ്ങളിലും
ഗ്രീഷ്മത്തിലും, വസന്തത്തിലും
മനസ്സിലൊഴുകീ കടൽ
ഭൂമി കൈയിലേറ്റിയ കടൽ....
No comments:
Post a Comment