ഭൂമി
ചതുരക്കളങ്ങളിൽ
ചായം പകർത്തി വിഭ്രമുണ്ടാക്കി
രക്ഷാവലയങ്ങളിലൂടെ
നടക്കുമ്പോൾ
ചില്ലുകൂടുകളിലടച്ച
പഞ്ചതന്മാത്രകളിലൊന്ന്
നടന്നു നീങ്ങുന്ന വഴിയിൽ
വേറൊരു വലയമായി
രൂപാന്തരപ്പെടും
വലയങ്ങളിൽ നിന്ന്
വലയങ്ങളിലേയ്ക്കുള്ള
ദൈർഘ്യം
ഒരു യുഗത്തോളമുയരും
അതിനിടയിൽ
ഓർമത്തെറ്റുപോലെയൊഴുകും
നദി..
ആർത്തിരമ്പും കടൽ..
ഇടറി വീഴുന്ന രാപ്പകലുകളിലൂടെ
ഭൂമി നടന്നു നീങ്ങുമ്പോൾ
ഒരു നാൾ കാലത്തിന്റെ
സംക്രമണതാളത്തിൽ
ചില്ലുകൂടുകളുടയും
വലയങ്ങളും......
കമന്റുകള്‍ നന്നെ കുറവാണ്‍ ബ്ലോഗിലെങ്കിലും
ReplyDeleteഅഗ്രിഗേറ്ററില്‍ വോട്ടു നേടുന്നുണ്ട്. ഏറ്റവും കൂടുതല്‍
കവിത ബ്ലോഗിലെഴുതിയതിന് ഗിന്നസ് ബുക്കില്‍
ഈ ബ്ലോഗ് കടന്നു ചെല്ലും