ഉൾക്കടൽ
രത്നങ്ങൾ തേടിയൊഴുകിയ
പുഴയൊടുവിൽ
വെള്ളാരം കല്ലുകളുടെ
സമുച്ചയത്തിലെത്തി
ഒരോ കല്ലിലും ചിത്രലേഖനം
ചെയ്ത ചായക്കൂട്ടുകൾ
നിയോൺദീപങ്ങളിൽ മിന്നി
അതിനപ്പുറം പ്രഭാതത്തിൽ
പുൽനാമ്പിലുണർന്ന മഞ്ഞുതുള്ളി
തേടി നടന്നു ഭൂമി..
ഞാനെത്തി കടൽത്തീരത്തിനരികിൽ
കടലെന്നെ ഉൾക്കടലിലെ
മാന്ത്രികരത്നദ്വീപുകളിലേയ്ക്ക്
ഒരു പരിഭവവും കൂടാതെ
വസന്തകാലപൂവുകൾ നിറഞ്ഞ
നൗകയുമായ് വന്നു സ്വീകരിച്ചു
അവിടെ ഞാൻ കണ്ടു
രത്നങ്ങൾ.....
കടൽ സൂക്ഷിക്കുന്ന കാവ്യമുറങ്ങുന്ന
ചക്രവാളം
എന്റെ മനസ്സവിടെയായുൾക്കടലിലൊഴുകി..
ഭൂമി എന്നെ തേടി വരും വരെ
വസന്തകാലപൂവുകൾ നിറഞ്ഞ
നൗകയിൽ ഞാനിരുന്നു....
No comments:
Post a Comment