മഞ്ഞുപുകയുന്ന ശിശിരം
മഞ്ഞുപുക മൂടിയ ശിശിരത്തിലെ
ആൾക്കൂട്ടമൊഴിഞ്ഞ യാത്രാവഴിയിൽ
കാലം എന്തിനെന്നറിയാതെ
കാവലിരുന്നു.....
ഇരുട്ടിന്റെ ശാഖകൾ പോലെ
പണ്ടെങ്ങോ പൂത്തുലഞ്ഞ
തണൽമരങ്ങളിലെ
ഇലകൾ പൊഴിഞ്ഞിരുന്നു
കൊഴിഞ്ഞുവീണ മഞ്ഞഇലകളിലൂടെ
യവനികനീക്കിയെത്തി
പുതിയ ഋതു......
തണുത്ത കവചത്തിനുള്ളിൽ
മുറിപ്പാടുകളിലെ രക്തം ഘനീഭവിച്ചു
അരങ്ങിൽ ആട്ടവിളക്കിനുമുന്നിൽ
ചുട്ടികുത്തിയ വേഷങ്ങൾ
തിരനോട്ടം.....
ത്രിസന്ധ്യയുടെ ചുടുനീരൂറ്റിയാരോ പാടി
നാടകമേയീയുലകം..
അഭ്രപാളികളിലെ
വിശ്വസിനീയമായ അവിശ്വാസ്യത....
No comments:
Post a Comment