ശിശിരം
ശിശിരം കൂടുകെട്ടിയ
കൂടിയാട്ടക്കളരിയിലൊരു
പുരാണകഥതേടിയലഞ്ഞു
താളിയോലകൾ...
അഗ്നിയെ പൃഥ്വിയിൽ
നിന്നടർത്തി ചുരുക്കിയൊതുക്കി
ശൂന്യാകാശപേടകങ്ങളിലാക്കി
ശാസ്ത്രം....
ഊർജ്ജഗണിതഭംഗിയിയിൽ
അഭ്രപാളികളിലെന്നപോൽ
വർണാഭമായി പുരോഗമനം
കടലിൽ വീണുടഞ്ഞു പിഴവുകൾ...
കനൽ പോലെ വിരിഞ്ഞു നിറവുകൾ...
ഇടയിൽ കാലിടറി വീണു നിഴലുകൾ
നിഴൽപ്പാടുകളില്ലാതെ ലോകം
നിഴൽക്കുത്തിയിട്ടു
നിറതിരിയിട്ട ഓട്ടുവിളക്കുകൾ
മലയസങ്കടം...
നടന്നകന്ന പകലിന്റെ നിറുകയിൽ
ശൂലമുനയേറ്റി നിരർഥകത..
ആർദ്രമായ മുഖവുമായ്
നടന്നകന്നു ആഗ്രഹായനം..
അരികിൽ ധനുമാസനോയ്മ്പിന്റെ
ഉറക്കമില്ലാത്ത രാത്രി...
ഒരു കോരികപ്പൊന്നിനും
പൊന്നിട്ടപെട്ടകത്തിനുമിടയിൽ
നാലുകെട്ടിൽ മിഴിപൂട്ടിയിരുന്നു
ശിശിരം......
No comments:
Post a Comment