ഹൃദ്സ്പന്ദനങ്ങൾ
നൈമിത്തികപ്രളയം
ഒരു മായക്കാഴ്ച്ചയെന്നപോൽ
വന്നുപോയി..
ദുർഗമമായ മാനസഞ്ചാരപഥങ്ങളിൽ
ആരണ്യകം തീർത്തു അഗ്നികാണ്ഡങ്ങൾ...
പ്രമേയങ്ങൾ തേടിതേടി
നേർവഴിയിൽ കല്ലും മുള്ളും തൂവി മാഞ്ഞു
വിധിന്യായങ്ങൾ....
സത്യമേതന്നറിയാതെ
തത്വമസി പാടിയിരുന്നു ഗരുഢധ്വനി...
അക്ഷരമാല്യങ്ങളിൽ
അനശ്വരത തേടി നടന്നു യാഥാർഥ്യം...
മുകിൽ മൂടിയ ആകാശത്തിനരികിൽ
മഞ്ഞു മൂടിയ മലകൾക്കരികിൽ
നിർണയരേഖകളുടെ,
വിധിപർവങ്ങളുടെ,
നിമിഷങ്ങളുടെ
കൈയൊപ്പു തേടാത്ത
ശരത്ക്കാലഭൂമിയായി മാറി മനസ്സ്.....
No comments:
Post a Comment