ഋതുക്കൾക്കെന്തു ഭംഗി
നിള ഒരു നദി മാത്രം
മഹാനദിയ്ക്കപ്പുറം
എത്രയോ നദികൾ
ത്രിവേണിസംഗമം..
ഒരു നദിയെഴുതിയ
കഥയ്ക്കപ്പുറം
മഷിതൂവുന്ന കല്പനകൾക്കപ്പുറം
മഞ്ഞുതൂവുന്ന ശിശിരം
ഋതുക്കൾക്കെന്തു ഭംഗി
പ്രകൃതി തൂവുന്ന മഞ്ഞിനെന്ത് ഭംഗി
വിരൽതുമ്പിലൂടെയോടിപ്പോയ
കനത്ത വാക്കുകൾക്കെന്തുഭാരം
ഇടയിലൊഴുകിയ
നീർച്ചാലിൽ പുകകറുപ്പ്
ചായം തേച്ചുമിനുക്കിയതാരോ
രാത്രിയോ, പകലോ
ത്രിസന്ധ്യയോ?
കോലായിലിരുന്ന്
കടംകഥപറയുന്ന
അനശ്ചിതത്വത്തിനരികിൽ
മഷിതൂവിയ മഞ്ഞിനരികിൽ
അനേകായിരം മുഖങ്ങളിൽ
മൂടിയിരിക്കുന്ന അയഥാർത്യം
അതോ ലോകം?
No comments:
Post a Comment