ശിശിരമഴയിലെ ഭൂമി

മഞ്ഞുകാലപ്പൂവുകൾക്കരികിൽ
കുരുക്കിക്കെട്ടിയ
പേടകത്തിലെന്തുതിരയുന്നു
ശരത്ക്കാലവർണമോ
സന്ധ്യാവിളക്കുകളോ
നിറം മങ്ങിയ
പഴയ ഓർമ്മകളോ??
നിലയില്ലാക്കയത്തിൽ നിന്നും ഭൂമി
കരയേറിയിരിക്കുന്നുവെന്നറിയിക്കുന്നു
അതത്ര സുഖകരമായി തോന്നുന്നില്ലയല്ലേ
അതിനാലാണല്ലോ
ആയിരം മുഖവുമായിന്നുമലയുന്നത്
പിന്നെയിന്നലെ പെയ്തിറങ്ങിയ
ശിശിരമഴയിലൊരു
സ്വപ്നം ചിറകു നീർത്തിയുണർന്നു
അതിലമൃതവർഷിണിയുമുണർന്നു
ഹൃദ്സ്പന്ദനം പോലെ...
മൃദുവായ സ്പർശം പോലെ..
മഞ്ഞുകാലപ്പൂവുകൾക്കരികിൽ
മഴതുള്ളികൾക്കരികിൽ
വിരലിൽ വന്നുരുമ്മുന്നു വാക്കുകൾ
എത്ര മനോഹരമീ
ശിശിരമഴയിലെ ഭൂമി......