അറിയാതെ ചോദിച്ചുപോകുന്നു

എന്തിനാണിങ്ങനെയെന്നൊക്ക
ചോദിച്ചു ചോദിച്ചു തന്നെ മടുപ്പായിരിക്കുന്നു
തുള്ളിതുളുമ്പുന്ന ഉപദേശങ്ങളുടെ
ഉപനിഷോപാഖ്യാനങ്ങളുമായ്
അരികിലെന്തിനേ കാവലിരിക്കുന്നു
പോകാനായ് ഭൂമിയോടെത്രയോവട്ടമിവർ
ആജ്ഞാപിച്ചിരിക്കുന്നു
അവരൊട്ടു പോകുന്നുമില്ല
ഇടയിലൊരായിരം വിടവുണ്ടാക്കി
പിന്നെയു തൂവും ഉപദേശപർവം
കാതിന്റെ രണ്ടറയും അടഞ്ഞിരിക്കുന്നു
കേട്ട് കേട്ട് മടുപ്പായിരിക്കുന്നു
ഇനിയേതുകാലത്തൊരവസാനം
നിറം ചേർത്ത രാജചിഹ്നങ്ങളിൽ
തുന്നിച്ചേർക്കുന്ന മിന്നുന്ന മുത്തിലൊന്നും
ഭ്രമമേയില്ലല്ലോയീഭൂമിയ്ക്ക്
എന്നിട്ടുമെന്തേയിങ്ങനെ
എന്നിട്ടുമാർക്കു വേണ്ടിയാണാവോ
മുകിൽതുണ്ടുകളിലിങ്ങനെയെഴുതിയിടുന്നത്
അതിരുകളങ്ങടച്ചുപൂട്ടിചിന്തേരിട്ടങ്ങ്
പോകാത്തതെയെന്തേയിവർ
അറിയാഞ്ഞിട്ട് ചോദിച്ചുപോകുന്നു
ഏത് ഋണബാധ്യതയാണോ
ബാക്കിപത്രത്തിലിനിയുള്ളത്???