Tuesday, July 20, 2010

അഴിമുഖങ്ങളിൽ നിന്നുമാകാശത്തേയ്ക്കുള്ള
ദൈർഘ്യമളക്കുന്ന തിരകൾക്കപ്പുറം
പ്രളയജലം സൂക്ഷിക്കാനാവാതെ
കടലിലേയ്ക്കൊഴുകിപ്പോകുന്ന
നദിയുടെ യാത്രകണ്ടുനിൽക്കുന്ന
മുകിലുകൾക്കപ്പുറം
കഥയെഴുതി കാലഹരണപ്പെട്ട
ദിനരാത്രങ്ങളുടെ
ഔപചാരികതയിൽ നിന്നകന്ന്
മഴയൊഴുകുന്ന ആറ്റിറമ്പിലിരുന്ന്
കടലാസുതോണികളിൽ
പൂക്കളൊഴുക്കുന്ന
ബാല്യം എഴുതി നീട്ടിയ അക്ഷരത്തെറ്റുകൾ
മനസ്സിലിന്നും കൗതുകകരമായ
ഒരോർമയായി തുമ്പപൂവുണരുന്ന
തൊടിയിൽ ഊഞ്ഞാൽപ്പടിയിലിരുന്ന്
ആകാശഗോപുരങ്ങളിലേയ്ക്ക്
പറന്നുയരുന്നു.

No comments:

Post a Comment