മഴതുള്ളികൾ

പെയ്തൊഴിഞ്ഞു തീരാത്ത മേഘങ്ങൾ
മൂടിക്കെട്ടിയ വെളിച്ചമുറങ്ങിയ
നക്ഷത്രലോകത്തിലെ ആകാശത്തിലൂടെ
സായാഹ്നം മെല്ലെ നടന്നു നീങ്ങിയപ്പോൾ
നിലവറയിലെ ഓട്ടുവിളക്കിൽ
സന്ധ്യ തിരി വച്ച്
പ്രകാശത്തിന്റെ ഒരു തുണ്ട്
മനസ്സിലേക്കിട്ടു
വാക്കുകൾ ധ്യാനനിരതമായപ്പോൾ
പർവതമുകളിലെ ഉത്ഭവസ്ഥാനത്തിലൂടെ
ഒരു പുഴ ഗുഹാമൗനങ്ങളുടച്ച്
ഭൂചലനങ്ങളുണ്ടാക്കി
ലക്ഷ്യം മറന്ന് എങ്ങോട്ടോ ഒഴുകി മാഞ്ഞു
വാക്കുകളിൽ സന്ധ്യാദീപത്തിന്റെ
പ്രകാശരശ്മികളുണരുമ്പോൾ
മഴമേഘങ്ങൾ കാറ്റിലൊഴുകി