പുനരുദ്ധാരണം
അനുവാദമില്ലാതെ
വാതിൽപ്പടികളിലൂടെ
അകത്തേയ്ക്കു വന്ന്
ആരവങ്ങളിൽ ഒരു ജീവനെ
മുദ്രകുത്തി തീർപ്പെഴുതി
കടന്നു പോയപ്പോൾ
ഉൾക്കടലിന്റെ ആഴം തിരകൾ
അന്നു മനസ്സിൽ സൂക്ഷിച്ചില്ല
അവർക്കതൊരു സ്ഥിരവേദിയിലെ
തെരുവുനാടകമായിരുന്നു
മനുഷ്യത്യത്തിനെ വിലപേശി
കടലാസിൽ തൂക്കി വിൽക്കുന്ന
അവരോടെതിർ പൊരുതാൻ
അവരെ പുനരുദ്ധരിപ്പിക്കുവാൻ
മുൾക്കിരീടങ്ങൾ മാറ്റി, അസ്ത്രമുറിവുമുണക്കി
ജീസ്സസും, കൃഷ്ണനും പുനർജനിക്കണം
No comments:
Post a Comment