ആകാശത്തിന്റെ തൂവൽതുമ്പിലെ
നനുത്ത നീലനിറവും
സമുദ്രത്തിന്റെ ഇന്ദ്രനീലവും
അവരുടെ മനസ്സിന്റെ കറുപ്പിൽ
ചേർന്നുലയുമ്പോൾ
പരാജയത്തിന്റെ
വിജയമാഘോഷിക്കുന്ന
മഷിത്തുള്ളികളിലിറ്റു വീഴുന്ന കറുപ്പിൽ
മനസാക്ഷി മരവിച്ച ലോകം
വിരൽതുമ്പിലെ വാക്കുകൾ
കവർന്നെടുക്കുമ്പോൾ
മഴത്തുള്ളികളിലൂടെ കൈയിൽ
വന്നു വീണു കുറെ സ്വപ്നങ്ങൾ
അവയിൽ മറഞ്ഞിരുന്ന വാക്കുകളിൽ
ആകാശത്തിന്റെ തൂവൽസ്പർശവും
സൗമ്യതയുമുണ്ടായിരുന്നു...
No comments:
Post a Comment