അഭിനയം

അരങ്ങിലഭിനയിക്കുവാൻ
ചായം തേച്ച് മുഖം മിനുക്കിയങ്ങനെ
അവനൊരുങ്ങുന്നു
അഭിനയിച്ചഭിനയിച്ച്
വീണെഴുനേറ്റ്
മനസാക്ഷിയ്ക്ക്
ചായം പൂശാനാവാതെ
വിഷമപർവങ്ങളിലുലഞ്ഞ്
മുഖത്തു ചിരിപൂശിയങ്ങനെ
അഭിനയം തുടരുക
അഭിനയം കഴിഞ്ഞ് ചമയങ്ങളും
കോപ്പുകളും അഴിച്ചു വയ്ക്കുമ്പോൾ
ഒഴുകുന്ന പുഴയവനോട് ചോദിക്കും
നീ തന്നെയോയത്
അപ്പോളവൻ പറയും
അതൊരു മുഖപടമായിരുന്നു
മുഖമൊഴുകിപ്പോയ
മനസ്സാക്ഷിക്കിടുന്ന
മുഖപടം