ഗ്രാമം
കിഴക്കേ ചക്രവാളം
കുത്തുവിളക്കുകളിൽ
പ്രകാശവുമായി വന്ന
പ്രഭാതത്തിൽ
ഗ്രാമം നെയ്യാമ്പൽക്കുളത്തിൽ
മുങ്ങിതോർത്തി
ആൽത്തറയിലെ
ധ്യാനമണ്ഡപത്തിൽ
സഹസ്രനാമമുരുവിടുമ്പോൾ
ഇലഞ്ഞിമരങ്ങൾക്കരികിലൂടെ
കരിയിലപ്പക്ഷികളുലച്ച
കരിയിലകളെ മെല്ലെ മാറ്റി
ഒരിളംകാറ്റ് പ്രഭാതത്തിന്റെ
ധൂപഗന്ധങ്ങളാവഹിച്ച്
തുളസിമണ്ഡപത്തിൽ
വലം വച്ച്
ഗ്രാമം ദ്വീപായി മാറുന്ന
ആറ്റുവക്കിനരികിലൂടെ
മെല്ലെയൊഴുകി നീങ്ങുമ്പോൾ
മനസ്സേ നീയുണരുക
വാക്കുകൾക്കുള്ളിലെ
അക്ഷരങ്ങളുടെ
സൗമ്യസ്പർശങ്ങളിൽ
"മനസ്സേ നീയുണരുക
ReplyDeleteവാക്കുകൾക്കുള്ളിലെ
അക്ഷരങ്ങളുടെ
സൗമ്യസ്പർശങ്ങളിൽ "
ഇതാണെന്റെയും പ്രാർത്ഥന.
പിന്നെ ബ്ലോഗിനെപ്പറ്റി ചോദിച്ചതിനു മറുപ്ടി അറിയില്ല. ക്ഷമിക്കണം.
അരിപ്പൊയിടുമായി കാലമപ്പോള്‍
ReplyDeleteമൂര്‍ദ്ധാവു പൃഥിയോടടുപ്പിച്ചു കോലം വരയ്ക്കും
ഗ്രാമം പുഴയിലിറങ്ങിയപ്പോഴേക്കുമുരുവിട്ടു
കഴിഞ്ഞിരിക്കും ഓം തത് സവിതുര്‍ വരേണ്യം...