Saturday, September 4, 2010

ഉൾക്കടൽ

കടലിലേയ്ക്ക് നടക്കുമ്പോൾ
കാലിൽ തടഞ്ഞ മുള്ളുകൾ
കൈയിലെടുത്ത്
അതിനെ വഴിയിലുപേഷിച്ചരുടെ
കൈയിലേയ്ക്ക്
തിരികയേകുമ്പോൾ
അവരുടെ മുഖങ്ങളിൽ
ദ്വേഷമുയരുന്നതു കണ്ടു
കല്ലും മുള്ളും ഭൂമി നടക്കുന്ന
പാതയിലേയ്ക്കെറിയുമ്പോൾ
എന്തുൽസാഹമായിരുന്നു
അതു തിരികെയേൽപ്പിക്കുമ്പോൾ
അപരിചിതത്വം ഭാവിക്കുന്ന
ആൾക്കൂട്ടം
മഷിതുള്ളികളെ നീ സ്നേഹിക്കുക
കല്ലും മുള്ളും ഭൂമിയുടെ
വഴികളിലേക്കെറിയാൻ
അവർ നിന്നെ സഹായിക്കും
ഭൂമി അതെല്ലാം ഒരു പേടകത്തിലാക്കി
നിന്റെ നദിയുടെ ഓളങ്ങളിലേയ്ക്കൊഴുക്കി
ഉൾക്കടലിന്റെ സ്വപ്നങ്ങളിലൊളിക്കും

No comments:

Post a Comment