ഇന്ത്യ


ഇന്ത്യ സ്വതന്ത്രരാജ്യം
ഇന്ത്യയുടെ സ്വാതന്ത്ര്യം
പലരായി വിഭജിച്ചെടുത്തിരിക്കുന്നു
പട്ടുകിഴികളിൽ പണമെണ്ണിയെണ്ണി
അവർ ഇന്ത്യയ്ക്കകത്തു തന്നെ
അനേകം ഇന്ത്യയെ പണിയുന്നു
പത്രതാളുകളിലെ
കറുത്ത മഷി പുരണ്ട ഇന്ത്യ
ഗാന്ധിയെ
ചിതയിലേയ്ക്കടുത്തുവച്ച ഇന്ത്യ
ഗ്രാമങ്ങളിലുറങ്ങുന്ന ഇന്ത്യ
സൗഹൃദം ഭാവിച്ചു മനസ്സാക്ഷി
തീറെഴുതി വിൽക്കുന്ന
ആദരീണയരായ
ഉന്നതരുടെ ഇന്ത്യ
അവർക്ക് സ്തുതിപാടുന്ന
മഷിതുള്ളികളുടെ ഇന്ത്യ
മഷിതുള്ളികളിലൊഴുകുന്ന
കറുത്ത പുഴയാണു നീ
നിന്നെയീ ഭൂമിയ്ക്കറിയില്ല
ഇന്ത്യയ്ക്കും...