ഇടവേളകൾ

നീണ്ടുനീണ്ടുപോയ ഒരു പാതയോരത്ത്
കാലം ഇടവേളകളിൽവന്നിരുന്ന
തണൽമരച്ചുവടുകളിൽ
ആരൊക്കൊയോ എഴുതിനിറച്ച
കുറെ കടലാസുതുണ്ടുകൾ
പറന്നു പോയ കാറ്റിനരികിലെത്തിയ
മഴയും കടന്നു മുന്നോട്ട് നടക്കുമ്പോൾ
മനസ്സിൽ പുതിയ ഒരു സ്വരമുണർന്നു
ആ സ്വരം ആലാപനങ്ങളിലൊഴുകി
പല്ലവിയുടെ ഹൃദ്സ്പന്ദനങ്ങളിലൂടെ
മെല്ലെ ഒഴുകി നീങ്ങുമ്പോൾ
ഭൂമി രാപ്പകലുകൾ താണ്ടി
മുന്നോട്ട് നീങ്ങി
കടൽ മുക്തായസ്വരങ്ങളിൽ
ആരവമുയർത്തുമ്പോൾ
ചക്രവാളം മാറ്റങ്ങളില്ലാത്ത
മനസ്സുമായ് കടലിനരികിൽ നിന്നു