മുത്തുചിപ്പികൾ
ആഴക്കടലിന്റെ ഉൾവിളികൾ
നിറഞ്ഞ സംഗീതമുറങ്ങുന്ന
മുത്തുചിപ്പികൾ
ചെറിയ നൗകയിലാക്കി
മെല്ലെയൊഴുകിയ കാറ്റിനരികിൽ
ഉപദ്വീപിന്റെ ഒരു തുണ്ടു ഭൂമി
എന്റെയരികിൽ നീട്ടിയ
സംസ്കൃതിയിൽ
ഞാനെഴുതിയ മണൽത്തീരങ്ങളിൽ
നിന്നുണർന്നു വന്ന നിലാപ്പൂക്കളിൽ
ആവണിപ്പാടങ്ങൾ കസവു തൂവുമ്പോൾ
പൂവ് തേടി നടന്ന ഗ്രാമം
ഒരു ചെറിയ വലിയ ലോകമായി
മുത്തുചിപ്പികളിൽ നിന്നുണർന്ന
കടലിന്റെ ഉൾവിളിപോലെ
എന്റെയരികിലുണർന്നുവന്നു..
No comments:
Post a Comment