Monday, August 9, 2010

ത്രിവർണപതാക

അഭിനയത്തിനുള്ള സ്വർണ്ണകമലവുമായ്
അവൻ മുന്നിലൂടെ നടന്നു നീങ്ങുമ്പോൾ
ബങ്കിം ചാറ്റർജിയുടെ വന്ദേമാതരവും
ടാഗോറിന്റെ രാഷ്ട്രഗാനവും
ഹൃദയസ്പന്ദത്തൊലൊഴുകുന്ന
സ്വതന്ത്രഇൻഡ്യയുടെ
വാനമ്പാടി പാടിയ പാട്ടുമായുണരുന്ന
ഭൂമി നീയെന്തേ അഭിനയകലയുടെ
ആദ്യപാഠങ്ങൾ ഹൃദിസ്ഥമാക്കാതിരുന്നത്
യവനികക്കുള്ളിൽ ചായം തേച്ചൊരുങ്ങുന്ന
കിരീടമില്ലാത്ത രാജഹൃദയങ്ങളുടെ
പർവതമകുടങ്ങളിൽ
നിന്നിനിയും കാണാം
ത്രിവർണപതാകയുടെ
ആദ്യനിറം
തീയാളുന്ന അശോകപ്പൂക്കളുടെ
സായന്തനവർണ്ണം

No comments:

Post a Comment