സാഗരസ്പന്ദനങ്ങൾ
ആകാശത്തിനരികിൽ
കടൽ പാടിയ പാട്ടു കേട്ടുണർന്ന
ചക്രവാളത്തിനരികിൽ
വിളക്കുമായുണർന്ന നക്ഷത്രലോകം
വിസ്മയം പോലെ മുന്നിൽ
വിടരുമ്പോൾ
കടൽത്തീരമണലിൽ
സന്ധ്യ മയങ്ങിയിരുന്നു
ആൾക്കൂട്ടം പിരിഞ്ഞുപോയ
ആൽത്തറയ്ക്കരികിലിരുന്ന്
രുദ്രാക്ഷമാലയിൽ ജപം തുടർന്ന
കാറ്റിനരികിൽ ഓട്ടുവിളക്കുകൾ
തെളിഞ്ഞു കത്തുമ്പോൾ
എഴുതി തീരാത്ത പുസ്തകത്താളുകളിൽ
വാക്കുകൾ മൃത്യുജ്ഞയമന്ത്രം
ഉരുക്കഴിച്ചുണർന്നു.
No comments:
Post a Comment