സൂത്രധാരൻ
സത്യം സത്യത്തിനകത്തുണർന്നാൽ
എന്റെ ഭൂമിയെഴുതും
നിന്നെ ഞാനറിഞ്ഞിരുന്നില്ല
വലയങ്ങളുടെ വലയത്തിൽ
നീ ജീവിക്കുമ്പോൾ നീ കരുതി
എന്റെ ഭൂമി നിന്നിലൂടെയുയരുമെന്ന്
നിന്നെയറിയാത്ത ഭൂമിയെങ്ങനെ
നിന്നെ പ്രദക്ഷിണവഴിൽ കാണും
നിന്റെയുപഗ്രങ്ങളെയറിയാൻ
എന്റെ ഭൂമി കുറെ തപസ്സിരുന്നു
ഒന്നൊന്നായി ഭൂപ്രദക്ഷിണം
ചെയ്ത മഷിതുള്ളികളിലൂടെ
അവരെയറിഞ്ഞ ഭൂമി
നീയെന്ന മഹാഗ്രഹവലയത്തെ
അറിയാൻ കുറെ വൈകി
നിനക്കു ചുറ്റും കാവൽ നിന്ന
ലോകഗോപുരങ്ങൾ
തകർന്നു വീണപ്പോൾ
ഭൂമിയറിഞ്ഞു
അതു നീയായിരുന്നുവെന്ന്
സൂത്രധാരൻ
ഉപഗ്രഹങ്ങളെ ഭൂമിയിലേയ്ക്കെയ്തവൻ
സത്യം സത്യത്തിനകത്തുണർന്നാൽ
എന്റെ ഭൂമി പറയും
നിന്നെ ഞാനറിഞ്ഞിരുന്നില്ല
നിന്നെയറിയാത്ത ഭൂമിയെങ്ങനെ
നീയെന്ന മഹാഗ്രഹത്തിലൂടെയുയരാൻ
ശ്രമിയ്ക്കും....
എങ്കിലും നീയെന്തിനതു
ചെയ്തുവെന്നീഭൂമിക്കിന്നറിയാം..
No comments:
Post a Comment