യാത്രാപഥങ്ങൾ
ഇടറി വീണ നിമിഷങ്ങളിൽ
മാഞ്ഞു പോയ ശൈത്യകാലത്തിന്റെ
ഓർമയിലുറങ്ങിയ മഞ്ഞുതുള്ളികളിലൂടെ
മുന്നോട്ടു നീങ്ങിയ ഭൂമിയുടെ
വിഭജനാതീതമായ
യാത്രാപഥങ്ങളുണർത്തിയ
സ്വർണ്ണമകുടങ്ങളിലെ
പനിനീർമഴതുള്ളികളിൽ
മായാതെനിന്ന മനസ്സിലെ പ്രകാശമേ
ഗ്രാമം ശ്രീകോവിലിനരികിൽ
ഓട്ടുവിളക്കിൽ നീട്ടിയ
ആ പ്രകാശരശ്മികൾ
കരിന്തിരിയിലണയാതെ
കാത്തുസൂക്ഷിച്ച സോപാനങ്ങളിൽ
ഇടയ്ക്കയുമായ് വന്ന പുലർകാലം
പാടിയുണർത്തിയ
ജയദേവകൃതികൾ
കൈയിലേറ്റി നിന്ന കടലേ
നീ തുടിയിടുക
ഭൂമിയുടെ യാത്രാപഥങ്ങളിൽ...
No comments:
Post a Comment