ലോകഗോപുരങ്ങൾ

 
അതിരുകളിലെ വന്മതിലുകൾക്കപ്പുറം
ലോകഗോപുരങ്ങൾ പണിതുയർത്തി
അതിൻമേൽ പതാകളുമായ്
ലോകമതാണെന്നെഴുതി
വിശ്വസിപ്പിക്കാൻ
ശ്രമിച്ച  സാമ്രാജ്യത്തിന്റെ
തീർപ്പുകല്പനകളെ
വിശ്വാസപ്രമാണമായ്
കരുതിയ ഒരു മനസ്സിന്റെ
മുന്നിൽ ഒരുനാൾ ലോകഗോപുരങ്ങൾ
തകർന്നുടഞ്ഞു വീണു
ആ ഗോപുരമുകളിൽ നിന്നുകണ്ട
വലിയ ചെറിയ ലോകത്തിനപ്പുറം
ഭൂമിയുടെ കടൽത്തീരങ്ങൾ തേടി
നടന്ന മനസ്സേ
അശാന്തിയുടെ സ്വരങ്ങളെല്ലാം
മായ്ക്കുന്ന തീരത്തിരുന്ന്
ചക്രവാളത്തിന്റെ സൗമ്യസ്വരങ്ങളുടെ
സ്പന്ദനത്തിൽ നീയുണരുക ....