മഷിതുള്ളികൾ
കാലഹരണപ്പെട്ട
അർഥം നഷ്ടമായ
കുറെ കടലാസുതാളുകൾ
ചില്ലുകൂടിലെ തിക്കുമുട്ടലിൽ
ഉറങ്ങുമ്പോൾ
ഓർമിക്കാനൊന്നും ബാക്കിയില്ലാത്ത
രാവിന്റെ മഷിതുള്ളികൾ മൂടിക്കെട്ടിയ
ആകാശത്തിൽനിന്നും
വേനൽക്കനലാറ്റാൻ മഴയുണർന്നു
എവിടെയൊ തട്ടിയുടഞ്ഞ കാറ്റിൽ
ചില്ലുകൂടിൽ നിന്നും കടലാസുകൾ പറന്നകന്നു
മഴതുള്ളികളിൽ
കടലാസുതാളുകളിലെ
കറുപ്പുമഷിതുള്ളികളലിഞ്ഞുമായുമ്പോൾ
തളർന്നുറങ്ങിയ രാത്രി
സ്വപ്നങ്ങൾ കണ്ടുണരുമ്പോൾ
പ്രഭാതം പടിവാതിലിൽ
പൊന്നോട്ടുവിളക്കുമായ് വന്നു
No comments:
Post a Comment