മഴതുള്ളികൾ
വനാന്തരങ്ങളിലൂടെ നടക്കുമ്പോൾ
മഞ്ഞുതൂവിയ മഴതുള്ളികൾ
മൗനമുറങ്ങിയ ശിഖരങ്ങൾ മായ്ച്ച
അരുവിയിലൂടെയൊഴുകി
പ്രകാശത്തിന്റെ വാതിലുകൾ തുറന്ന
പ്രഭാതത്തിന്റെ ഗോപുരമുകളിലെ
ദീപങ്ങളിൽ കാടുണരുന്നതു കണ്ടു
പടിയിറങ്ങി വന്ന്
കൃഷ്ണശിലകളിലഭിഷേകതീർഥമായൊഴുകി
മേഘമാർഗങ്ങളിലൂടെ
കാടിന്റെയതിരുകളിലൂടെ
കടൽത്തീരത്തേയ്ക്ക് യാത്ര തുടങ്ങുമ്പോൾ
താമരയിലകളിൽ കവിതവിരിയിക്കുന്ന
മഴതുള്ളികളെ കൈയിലേറ്റി
ഭൂമി മെല്ലെ നടന്നു....
No comments:
Post a Comment