നക്ഷത്രവിളക്കുകൾ
ഇരുളിനെയകറ്റാൻ
സന്ധ്യ പടിവാതിലിൽ
വിളക്ക് തെളിയിച്ചപ്പോൾ
വെളിച്ചമുറയുന്ന തിരി കെടുത്തി
പകലുറങ്ങി
കാലത്തിന്റെ ശംഖിൽ
നിമിഷങ്ങളൊഴുകി മായുമ്പോൾ
ആകാശത്തിനപ്പുറം
ലോകാലോകങ്ങൾക്കപ്പുറം
അനന്തകോടിജന്മങ്ങൾ
ജീവനിലൂടെ നടന്നുപോയ
ഭൂമിയ്ക്ക് ചുറ്റതിരുകളിടുന്നു
ചെറിയ ലോകം.
മിഴികളിൽ നിറയുന്ന
നക്ഷത്രവിളക്കിൽ
ഇരുട്ടകന്നു പോയി
പടിവാതിലിലെ ഓട്ടുവിളക്കിൽ
അന്നും പ്രകാശബിന്ദുക്കൾ
സ്വർണ്ണപൂക്കൾ പോലെ വിടർന്നു
No comments:
Post a Comment