ആകാശഗോളങ്ങൾക്കരികിൽ
മിന്നിയ നക്ഷത്രങ്ങൾ
മിഴിയിലുണരുമ്പോൾ
വന്നും പോയുമിരിക്കുന്ന
ദിനരാത്രങ്ങൾ
എഴുതി നീട്ടുന്ന മഷിപ്പാടുകൾ
പടർത്തുന്ന കാലം
ഇടനാഴിയിലൂടെ നടന്നു പോയ
ഒരു ചെറിയ ഇടവേളയായി
മായുമ്പോൾ
ആമ്പൽക്കുളങ്ങൾക്കരികിൽ
സ്വപ്നങ്ങളുണരുന്ന
ഓടക്കുഴലുമായ് വന്ന
സാഗരമേ...നിനക്കായി പാടിയ
പാട്ടുകളുടെ ശ്രുതി തേടിയുണർന്ന
ഭൂമി ഭ്രമണപഥങ്ങളിൽ
എന്നെ വലയം ചെയ്യുന്നു
No comments:
Post a Comment